Пятница, 19 07 2019
Войти Регистрация

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

«Слаўнае сяло Азярычына: Свет нашых продкаў». Раім пачытаць

Пухавіцкаму краю пашчасціла на вёсказнаўчыя выданні. Ёсць асобныя кнігі пра паселішчы Шацк, Талька, Зацітава Слабада. Ёсць нават кніга на ідыш пра Дукору, якая, праўда, выйшла ў ЗША. Аўтар — ураджэнец старажытнай вёскі. І вось мінскае выдавецтва «Тэхналогія» выпусціла зусім унікальнае па аб'ёме, калі гаварыць пра кнігі, прысвечаныя асобным населеным пунктам, выданне — «Слаўнае сяло Азярычына: Свет нашых продкаў» Зміцера Санько і Юрася Санько.

Зміцера Санько добра ведаюць у беларускім асветніцтве і кнігавыданні. У свой час менавіта дзякуючы яму развівалася, пашыралася серыя «Нашы славутыя землякі» ў выдавецтве «Навука і тэхніка». Падзеяй у беларускім мовазнаўстве стаў яго руска-беларускі слоўнік фразеалагізмаў. Дарэчы, варта было б перавыдаць гэтую і сёння патрэбную працу.

Каб пераканаць чытача, што кнігу пра вёску Азярычына можна параўноўваць з энцыклапедычнымі выданнямі, прывяду хоць бы назвы раздзелаў: «Дагістарычны час»; «Старонкі гісторыі сялібы»; «Азярыкі ў рэвізскіх казках»; «Азярыцкая гаворка»; «Музычная культура»; «Прыгаршчы асабістых успамінаў»; «Мікратапанімія вёскі і наваколля»; «Азярыцкі іменнік», «Азярыцкі мартыралог». У сапраўды энцыклапедычнага характару кнізе «Слаўнае сяло Азярычына: Свет нашых продкаў» аўтары сабралі самыя разнастайныя сведчанні пра роднае паселішча — археалагічныя звесткі, этнаграфічныя, фальклорныя запісы, тапанімічныя, мікратапанімічныя памяткі вёскі і яе ваколіц, дакументальныя звесткі пра тых, хто загінуў у Вялікую Айчынную вайну, патрапіў у жорны сталінскага ГУЛАГа. Аўтары звяртаюцца і да крыніцазнаўства па азярычынскай тэме. Найперш — да спадчыны легендарнага краязнаўчага пісьменніка, гісторыка Аляксандра Карлавіча Ельскага, які нарадзіўся непадалёку ад Азярычына.

Сваёй унікальнай працай Зміцер Санько і Юрась Санько засведчылі сваю прысутнасць у кагорце пухавіцкіх краязнаўцаў. А кагорта гэтая, пачынаючы з Аляксандра Ельскага, зусім немалая. Наталля Вайцяховіч, Наталля Ільініч, Аляксандр Прановіч, Анатоль Ярохін, Браніслаў Зубкоўскі, Браніслаў Яблонскі, Наталля Пархомчык, Іван Чуйкоў, Віктар Арлоў, Барыс Муха, Аляксандр Пікулік... Кніга пра Азярычына — сапраўдны ўклад землякоў, людзей, якія памятаюць свае вясковыя карані, у Год малой радзімы. Упэўнены, што такое выданне будзе запатрабаванае не толькі ў самім Азярычыне, не толькі ў Пухавіцкім краі, але і па ўсёй нашай краіне. Найперш — як выдатны ўзор радзімазнаўчай, краязнаўчай літаратуры.

Кастусь Ладуцька

Крыніца: Звязда

Загаловак у газеце: Энцыклапедыя пра адну вёску

Прочитано 645 раз
Авторизуйтесь, чтобы получить возможность оставлять комментарии