Версия для печати

«Маладосць» паўдзельнічала ў адкрыцці літклуба ў БДЭУ

  • Пятница, 15 ноября 2019 09:53

Дзякуючы маладому паэту з Азербайджана Магамету Гаджыеву 11 лістапада часопiс «Маладосць» з сябрамі/аўтарамі завітаў у БДЭУ.

Мерапрыемства, на якім адбылася сустрэча, з’яўлялася па сутнасцю адкрыццём універсітэтскага літаратурнага клуба. Вельмі прыемна, што, менавіта, нам даверылі такую важную місію.

Дар’я Вячэрка, Цімур Буйко, Аксана Ючкавіч і Дзмітрый Шулюк пазнаёмілі са сваімі вершамі, расказалі крыху пра сябе, творчасць і «Маладосць», а затым выступілі з творчасцю самі студэнты, удзельнікі клуба. Напрыканцы Магамет Гаджыеў зачытаў адзін з надрукаваных у нас вершаў на азербайджанскай мове. Гэта было неспадзявана, гэта было цудоўна.

Перад развітаннем, на падставе пачутага, маладосцеўцы далі некалькі парадаў маладым творцам і пажадалі ім прайсці гэты шлях - ад пачаткоўцаў да нашых старонак.

 

Больш фота на партале часопіса

Прочитано 1068 раз