Понедельник, 01 03 2021
Войти Регистрация

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

З Днём роднай мовы!

  • Воскресенье, 21 февраля 2021 13:44

21 лютага адзначаем Міжнародны дзень роднай мовы.

Абвешчаная UNESCO дата звязана з падзеямі ў горадзе Дака (Бангладэш) 21 лютага 1952 года. Тады мясцовыя студэнты выйшлі на дэманстрацыю ў абарону права навучання на роднай (бенгальскай) мове. У той трагічны дзень у сутычцы з муніцыпальнымі ўладамі былі расстраляны 5 чалавек.

У свеце Дзень роднай мовы святкуетцца, пачынаючы з 2000 года.

Мэта Міжнароднага дня роднай мовы ад заснавання – захаванне моўнай разнастайнасці ў свеце, унікальнасці, самастойнасці, самабытнасці асобных моў, падтрымка навучання на родных мовах, і, адначасова, заклік вывучаць замежныя мовы.

Партал «Сугучча» віншуе ўсіх з Міжнародным днём роднай мовы! Мы заклікаем любіць сваю родную мову і шанаваць яе найлепшыя здабыткі!

Сёння ўвазе чытачоў некалькі дакументаў з асабістага архіва Сяргея Панізьніка, і, вядома ж, некалькі вершаў.

«Сугучча»

Экслібрыс бібліятэкі Радзівілаў у Нясвіжы. З архіва Баляслава Брэжгі. Рыга

Экскурс экслібрыса


Гісторык Баляслаў Брэжга ў 1925 г. вывез
з Віцебска ў Латвію – і тым самым захаваў –
многія пазнакі беларускай старасветчыны

Дзе сімвалы душэўнай сілы?
Пайшлі на выпас...
...Калісьці ў Рызе папрасілі
пазнаць экслібрыс.
Мне ён як вежа над Парыжам,
ці крыж на ўзвіжжа...
«Са мною, – шэпча, – не згарыш ты
ў сяйве Нясвіжа!»

Разгорнутыя ў звера-птаха
падкрылкі, грыва...
...Экслібрыс з векавым размахам
і мне спажыва:
з яго я сонца маладое
здабыў акрузе, –
праводжу экскурс у былое
экс-Беларусі,
калі выводзіла кадзіла
душу за межы...

Нясвіж не толькі Радзівілам, –
і мне належыць:
ён з песняй, што нясу ад мамы
дарогай лёзнай...

Ініцыялы вечнай брамы
чытае лёс мой.

 

«Алаіза Пашкевіч» — праца Алесі Ісы

Сяброўскі шарж У. Караткевіча. Юрмала, 7.ХІІ.1976 г.

Чароўная кветка Купалля ад унучкі Меланні

Падарунак унучкі Яны..

 

***

Над Беларуссю — срэбраны ветах,

і Беларусь мая — папараць кветка.

Гэта сыны ёй наканавалі,

тыя, што маці сваю шанавалі.

Каб не згасала імя дарагое,

азёрнае, баравое,

каб з нашых песень шэрыя гусі 

неслі ў выраі грай Беларусі.                 

«Кастры Купалля», 1967 г.

Дарчы надпіс Рыгора Барадуліна. 13.ХІ.1966 г.

 

***

На ўсю краіну, вечную зямлю —

мае надзеі, клопаты, турботы…

Са мною разам нават салаўю

хай прыбаўляецца вясной работы!

І можа, ля прыдзвінскіх курганоў

ачнецца неде рэха баравое...

Адчую, што з-пад полацкіх званоў 

цячэ жыццё маё недармавое. 

«Чало і век», 1979

Аўтограф Сяргея Іванавіча Новіка-Пеюна.10.05.1984 г.

Аўтографы літаратараў ў дзень развітанне з Анатолем Сысам 9.05.2005 г.

Дарчы надпіс Рамана Лубкіўскага на яго кнізе пра Максіма Багдановіча. 26.02.2003, Львоў--Мінск

Аўтограф Леаніда Дайнекі. 19.07.2004 г. 

Рыгор Барадулін на адкрыцці гарэльефа ў гонар Уладзіміра Караткевіча ў Оршы

Партрэт Яўгена Іванавіча Скурко — Максіма Танка з акадэмічнай бібліятэкі ў Львове

 

Сяргей Панізьнік

Прочитано 386 раз