Воскресенье, 18 11 2018
Войти Регистрация

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Вынікі конкурсу "Лепшая кнігарня" абвесцяць на выставе кніг у Мінску

  • Среда, 14 февраля 2018 08:35

Вынікі рэспубліканскага конкурсу "Лепшая кнігарня" аб'явяць на XXV Мінскай міжнароднай кніжнай выстаўцы-кірмашы, якая пройдзе з 28 лютага па 4 сакавіка, паведамілі ў Міністэрстве інфармацыі.

Удзельнікі ацэньваюцца ў асноўных, спецыяльных і персанальных намінацыях.

Сярод асноўных намінацый: "Лепшая кнігарня Рэспублікі Беларусь", "Лепшая кнігарня г. Мінска", "Лепшая рэгіянальная кнігарня", "Лепшая кнігарня па рэалізацыі дзіцячых кніжных выданняў" і "Лепшая інтэрнэт-кнігарня".

Спецыяльныя намінацыі вызначаць самае знакавае адкрыццё новай кнігарні ў намінацыі "Адкрыццё года" і самы актыўны магазін у рабоце з чытацкай аўдыторыяй у намінацыі "Чытаем разам".

Паколькі любая кнігарня - перш за ўсё прастора, якую ствараюць людзі, будзе ўлічаны ўклад прафесіяналаў сваёй справы ў персанальных намінацыях "Лепшы кіраўнік кнігарні" і "Лепшы спецыяліст кніжнага гандлю".

У конкурсе ўдзельнічаюць як магазіны буйных кніжных сетак, так і невялікія магазіны, незалежна ад формы ўласнасці, памеру гандлёвай плошчы і тавараабароту.

Рэспубліканскі конкурс "Лепшая кнігарня" праводзяць Саюз выдаўцоў і распаўсюджвальнікаў друку, ААТ "Белкніга" пры падтрымцы Міністэрства інфармацыі Беларусі.

Крыніца: БЕЛТА

Прочитано 374 раз
Авторизуйтесь, чтобы получить возможность оставлять комментарии