Среда, 23 10 2019
Войти Регистрация

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Мінск — Бялград: шляхам паразумення

  • Среда, 24 октября 2018 12:01

З 21 па 28 кастрычніка кнігі Беларусі будуць прадстаўлены на Бялградскім міжнародным кніжным кірмашы. Шэраг айчынных выдавецтваў пазнаёмяць жыхароў Сербіі з абліччам Беларусі, увасобленым праз яе кніжную культуру: ад вытокаў і першых друкаваных выданняў да сучаснай мастацкай творчасці і самых смелых праектаў па яе прасоўванні да чытача. Маштабныя кніжныя кірмашы даюць магчымасць паглядзець, як гэта сёння робяць іншыя. Бялградскі міжнародны кніжны кірмаш — адна з найстарэйшых і значных літаратурных падзей у гэтым рэгіёне, які збірае вялікую колькасць выдаўцоў з краін Еўропы, Азіі, Амерыкі і Афрыкі. 

Бялградскі міжнародны кніжны кірмаш — адзін з найбуйнейшых у Еўропе. У гэтым годзе ён пройдзе шэсцьдзясят трэці раз і дасць магчымасць пазнаёміцца з кніжнай прадукцыяй больш як 450 сербскіх і замежных выдавецтваў. Ганаровым госцем сёлетняга кірмашу стане Каралеўства Марока.

Ужо традыцыйна (наша краіна на працягу амаль дзесяці гадоў бярэ ўдзел у кірмашы) свой стэнд будуць мець і выдавецтвы Рэспублікі Беларусь, дзе прадставяць кніжныя навінкі на беларускай і рускай мовах. Найбольшую цікавасць у сербаў звычайна выклікаюць выданні, прысвечаныя фальклору, гісторыі, мастацтву Беларусі, рэлігійная, а таксама дзіцячая літаратура.

У межах бялградскага кірмашу плануюцца і мерапрыемствы, накіраваныя на папулярызацыю беларускай літаратуры на Балканах. Апошнім часам былі перакладзены на сербскую мову і выдадзены асобнымі кнігамі ў сербскіх выдавецтвах творы Максіма Багдановіча, Алеся Карлюкевіча, Віктара Кажуры, прэзентацыі якіх пройдуць як на самой выстаўцы, так і ў Бялградскім універсітэце. Плануецца візіт беларускай дэлегацыі ў Нацыянальную бібліятэку Сербіі, сустрэчы з вядомымі сербскімі пісьменнікамі і выдаўцамі, прэзентацыі анталогіі «Пясочны гадзіннік лёсу: Сербская проза ХХ стагоддзя» і кнігі Драгана Лакічавіча «Посах святога Савы: Легенды», спецыяльных выпускаў беларускіх літаратурна-мастацкіх выданняў і шмат іншых мерапрыемстваў, мэта якіх — умацаванне культурных сувязяў паміж Беларуссю і Сербіяй.

Аляксей Чарота

Крыніца: Літаратура і мастацтва

Прочитано 108 раз
Авторизуйтесь, чтобы получить возможность оставлять комментарии