Среда, 16 10 2019
Войти Регистрация

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

“Кніжныя скарбы Беларусі”: Трэці на раз на Гродзеншчыне ладзіцца фестываль кнігі

  • Четверг, 07 марта 2019 10:43
  • Автор  Сугучча

Сёлета, 15 чэрвеня 2019 года, на пляцоўцы замкавага комплекса “Мір” пройдзе III Фестываль кнігі “Кніжныя скарбы Беларусі”.

Арганізатары свята, якое адначасова стане і кніжным кірмашом, – Карэліцкі райвыканкам, Гродзенскі філіял “Белсаюздруку” і Гродзенскі філіял “Белкнігі”. Ужо зараз да ўдзелу у праекце запрошаны выдавецтвы “Беларусь”, “Беларуская Энцыклапедыя імя Петруся Броўкі”, “Мастацкая літаратура”, Выдавецкі дом “Звязда”, “Народная асвета”, выдавецтвы “Пачатковая школа” і “Адукацыя і выхаванне”, паліграфкамбінат імя Якуба Коласа, выдавецтвы “Папуры”, “Рэгістр” і шмат хто яшчэ.

– Фестываль праводзіцца не ўпершыню, – расказвае кіраўнік Гродзенскага філіяла “Белсаюдруку” Павел Скрабко. – Раней мы збіраліся ў Гродна. Але вось зараз падумалі, чаму б не ў Міры, не ў Мірскім замку… Ініцыятыву падтрымала кіраўніцтва музейнага комплексу, а таксама кіраўніцтва Гродзенскага аблвыканкама і Карэліцкага райвыканкама. Прызнацца, перажываем, наколькі збяруцца цікаўныя да кнігі экскурсанты. Пэўна, шмат што залежыць ад рэкламы праекта, ад таго, наколькі на яго звернуць увагу ў сацыяльных сетках. У любым выпадку лічым, што ў нас павінна атрымацца. Акцэнт зробім на прапаганду асветніцкай, гістарычнай, краязнаўчай кнігі, на тыя выданні, якія расказваюць пра Беларусь сённяшнюю і павінны спрыяць развіццю турызму ў нашай краіне.

Арганізатары фестывалю яшчэ спадзяюцца і на тое, што да ўдзелу ў рабоце на пляцоўцы Мірскага замка спрычыняцца і пісьменнікі краіны. Асабліва тыя, хто працуе на гістарычнай ніве, хто імкнецца ў сваіх творах расказаць пра нашу Айчыну ў розныя часіны яе лёсу. На Гродзеншчыне жыве нямала апантаных краязнаўцаў. У Гродна – літаратурны краязнаўца, кандыдат філалагічных навук Аляксей Пяткевіч, у Слоніме – аўтар дзясяткаў кніг па гісторыі Слоніма і ваколіц, адкрывальнік многіх забытых у літаратуры імёнаў паэт і драматург Сяргей Чыгрын, у Навагрудку – дасведчаны міцкевічазнаўца Мікалай Гайба… Несумненным упрыгожваннем фестываля “Кніжныя скарбы Беларусі” могуць стаць аўтограф-сесіі, прэзентацыі іх кніг. Ды і чаму б з усёй Беларусі не прыехаць на пляцоўку Мірскага замка краязнаўцам, гістарычным пісьменнікам?! Тым болей, што і 2019 год у нашай краіне з’яўляецца Годам малой радзімы. Значыць, самы час праявіць увагу да краязнаўства, рэгіёназнаўства.

Сяргей Шычко

Ілюстрацыя: Мір, малюнак Напалеона Орды

 

Прочитано 274 раз Последнее изменение Четверг, 07 марта 2019 10:48
Авторизуйтесь, чтобы получить возможность оставлять комментарии