Воскресенье, 09 05 2021
Войти Регистрация

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

Навінкі паэтычных пошукаў …Сонца ўсіх нашых дарог

  • Среда, 24 февраля 2021 17:39

«Галіяфы» выдалі новую кнігу паэзіі Алеся Дуброўскага-Сарочанкава – «На тонкай нітачцы». Трэцяя па ліку ў паэта і мовазнаўца, яна падсумоўвае значны па часе адрэзак паэтычных пошукаў. Першая кніга Алеся Дуброўскага – «Паміж небам і багнаю» – пабачыла свет у 1997 годзе. Другая – «Эстэтыка маўчання» – у 2011 годзе.  

Што ёсць змрок, што не можа змясціца ў Сусвеце

і імкнецца праціснуцца ў бездань душы?

І ці доўга яшчэ гэтай сумнай планеце

Слепа бегчы па чорнай касмічнай шашы?  

Дзе знайсці супакой развярэджанай ране?

Чаму рана самоты пад скурай павек?

Ва ўсім свеце ёсць толькі адно пытанне,

І імя яму – чалавек.

Паэзія Алеся Дубровіча-Сарочанкава надзіва напружаная. Паэт выступае як вернік, якому відаць усе жорсткасці часу, а самае галоўнае – відаць жорсткасці, пачварныя выявы будучыні. «Чалавек чалавеку не брат ‒ / чалавек чалавеку вар’ят./ Тут не голас – паветра трымценне./ Тут не вочы – шкляное каменне./ Тут не твар, а бяздушны мур./ Чалавек чалавеку абсурд./ І тры словы – прывычным здзекам:/ чалаве чалавеку пекла». Чаго тут болей – правакацыі ці мастацкага асэнсавання рэчаіснасці?!.

Аляксандр Уладзіміравіч, які зараз выкладае на кафедры медыялінгвістыкі і рэдагавання факультэта журналістыкі Беларускага дзяржаўнага ўніверсітэта, скончыў не толькі філалагічны факультэт, магістратуру і аспірантуру, не толькі абараніў кандыдацкую дысертацыю па філалогіі… Але і скончыў Тэалагічны інстытут Саюза хрысціян веры евангельскай у Рэспубліцы Беларусь. Мае ступень доктара тэалогіі (ступень прысуджана Тэалагічнай семінарыяй св. Яна Хрызастома (Медэльін, Калумбія), з’яўляецца прасвітарам. 

Вось шчасця рэцэпт зямнога –

І нельга сказаць прасцей –

Жыць так, каб табе нічога

Не трэба было ад людзей.

 

А справіцца з гэтым заданнем –

Крыху прыпыні свой бег

І паразважай над пытаннем:

што трэба жыццю ад цябе?

Паэт імкнецца спасцігнуць усе (!) галоўныя таямніцы жыцця, бо яму хочацца «растлумачыць сляпому колер», а «глухому – як шторм раве». Апанатанасць, з якой аўтар зборніка «На тонкай нітачцы» угрызаецца ў жыццё, уражвае. І пры гэтым ён стараецца пазбягаць паўтарэнняў, сурова ацэньвае і свае ўласныя высілкі ў мастацкіх пошуках.

Арыгінальную частку зборніка дапаўняе раздзел «Пераклады». Беларускі паэт прапаноўвае чытачу свае пераўвасабленні з твораў Інакенція Аненскага, Максіміліяна Валошына, Восіпа Мандэльштама, Сяргея Ясеніна.

Наклад зборніка «На тонкай нітачцы» – 300 асобнікаў.

 

Кастусь Лешніца

 

 

 

Прочитано 196 раз